Un total de trece empresas galegas do sector naval participan en San Petersburgo na feira internacional Neva na procura de oportunidades de negocio no mercado ruso e alianzas con empresas locales.

A misión comercial, organizada polo clúster galego do sector naval, Aclunaga, e a Cámara de Comercio da Coruña, durará toda esta semana. Ademais de participar na feira Neva, especializada na construción naval e na navegación, tamén visitarán varios estaleiros locais.

O sector naval en Galicia segue crecendo e obtendo carga de traballo. Case a metade dos contratos obtidos en España na primeira metade de ano son para estaleiros galegos.

A misión conta coa presencia de Juan Cividanes, director xeral do Igape e de Óscar Gómez, director xeral de ACLUNAGA.